Lutja që Xhibrili ia mësoi Pejgamberit, për t’u mbrojtur nga çdo e keqe

0
5389

Një hadith madhështor
Bëhet fjalë për një lutje që Xhibrili ia mësoi Pejgamberit, për t’u mbrojtur nga çdo sherr, absolutisht nga çdo sherr i mundshëm. Të gjithë ne jemi të ekspozuar nga sherre të ndryshme, nga zilia, mësyshi, magjia, fatkeqësitë e ndryshme të kësaj bote, dhe kjo lutje është një mburojë e fuqishme që duhet ta mbajë me bere çdo besimtar, ta thotë në mëngjes dhe mbrëmje dhe në çdo moment kur ndjehet i rrezikuar.
“Erdhën tek i Dërguari i Allahut ca shejtanë nga luginat dhe zbritën nga malet. Në mesin e tyre ishte një shejtan që kishte një pishtar zjarri me të cilin donte ta digjte të Dërguarin e Zotit. I Dërguari u tmerrua dhe u step”. Në atë çast erdh Xhibrili dhe tha: O Muhamed! Thuaj. Ai tha: Çfarë të them? Tha: Thuaj:
“Kërkoj mbrojtje me fjalët e përsosura të Allahut, të cilat nuk mund t’i kalojë as i drejti e as imorali, nga e keqja e asaj që krijoi, e shpiku dhe e përhapi, nga e keqja e asaj që zbret nga qielli, nga e keqja e asaj që ngjitet në të, nga e keqja e asaj që përhapi në tokë, nga e keqja e asaj që del prej saj, nga e keqja e sprovave të natës dhe ditës, nga e keqja e ndodhive, përveç atyre që sjellin mirësi, o i Gjithëmëshirshëm!”
Pastaj zjarri i shejtanit u shua dhe Zoti i Madhëruar i mundi.”
Albani në Silsileh Sahihah (2995)
جاءَتِ الشياطِينُ إلى رسولِ اللهِ مِنَ الأوْدِيَةِ، وتَحَدَّرَتْ عليهِ مِنَ الجبالِ، وفيهِمْ شَيْطانٌ مَعَهُ شُعْلَةٌ من نارٍ يُرِيدُ أنْ يَحْرِقَ بِها رسولَ اللهِ، قال: فَرُعِبَ، قال جَعْفَرٌ: أَحْسَبُهُ قال: جعلَ يَتَأَخَّرُ. قال: وجاء جبريلُ فقال: يا محمدُ ! قُلْ. قال: ما أَقُولُ؟ قال: قُلْ: ” أعوذُ بكلماتِ اللهِ التّامّاتِ التي لا يُجاوِزُهُنَّ بَرٌّ ولا فاجِرٌ، من شرِّ ما خلقَ وذَرَأَ وبَرَأَ، ومن شرِّ ما يَنْزِلُ مِنَ السَّماءِ، ومن شرِّ ما يَعْرُجُ فيها، ومن شرِّ ما ذَرَأَ في الأرضِ، ومن شرِّ ما يخرجُ مِنْها، ومن شرِّ فِتَنِ الليلِ والنَّهارِ، ومن شرِّ كلِّ طارِقٍ إِلّا طارِقًا يَطْرُقُ بِخَيْرٍ يا رَحْمَنُ ! “، فَطَفِئَتْ نارُ الشَّيَطانِ، وهَزَمَهُمْ اللهُ عزَّ وجلَّ
الراوي: عبدالرحمن بن خنبش • الألباني، السلسلة الصحيحة (٢٩٩٥) • إسناده حسن

Përkthim Hoxhë Agim Bekiri